https://mail.innews.az/uploads/news/2023-05/_innews_e1622841241baf5899396d10c_o.jpg
Mayın 18-də Azərbaycan Respublikası Prezidentinin İşlər İdarəsinin İctimai-Siyasi Sənədlər Arxivi tərəfindən Ümummilli Lider Heydər Əliyevin anadan olmasının 100-cü ildönümü münasibətilə "Azərbaycan mənim ürəyimdir..." adlı tədbir keçirilib.
Tədbirdə Milli Məclisin deputatı, Nizami Gəncəvi adına Milli Azərbaycan Ədəbiyyatı Muzeyinin direktoru, akademik Rafael Hüseynov çıxış edərək Ulu Öndərin ölkəmizin çətin zamanlarında Azərbaycanın xilaskarı olduğunu vurğulayıb. O, Ümummilli Lider Heydər Əliyevin ölkəmizin inkişafı istiqamətindəki əvəzsiz xidmətlərindən, bu dahi şəxsiyyətin tariximizdəki əvəzsiz rolundan geniş söhbət açıb.
Yubiley tədbirində "Heydər Əliyev və türk dünyası", "Azərbaycanda dövlət qadın siyasəti" mövzusunda məruzələ dinlənilib. Həmçinin İctimai-siyasi Sənədlər Arxivində mühafizə olunan 1969-1982-ci illərə aid qiymətli sənədlər əsasında hazırlanan və Ulu Öndər Heydər Əliyevin şərəfli ömür yolundan bəhs edən "Quruculuq salnaməsi. Başlanğıc..." adlı sənədli xronika nümayiş olunub.
Ən son xəbərləri səhifəmizdən də izləyin
