https://mail.innews.az/uploads/news/2026-09/_innews_5abf005d3f1f27ea92246a0b9_o.jpg
Azərbaycanın iki boksçusu Avropa çempionu olub.
Komandamızın heyətində Sübhan Mamedov və Səidcəmşid Cəfərov yarışın qızıl medalını qazanıblar.
50 kq çəki dərəcəsində mübarizə aparan Sübhan Mamedov finalda Bair Batlayevi (Rusiya) məğlub edib.
Hər 3 raundu xeyrinə bitirən Mamedov yekunda 4:1 (30:27, 29:28, 28:29, 30:27, 29:28) hesabı ilə qalib gələrək Avropa çempionatının qızıl medalını qazanıb və Sofiyada Azərbaycan himnini səsləndirib.
75 kq çəki dərəcəsində mübarizə aparan Səidcəmşid Cəfərov isə finalda İsmayıl Mutsolqovu (Rusiya) məğlub edib - 5:0 (29:28, 29:28, 29:28, 29:28, 29:28).
Bununla da Azərbaycan millisi 43 ölkədən 406 boksçunun qatıldığı Avropa çempionatını rekord sayda - 5 medalla başa vurub. Baş məşqçi Ravşan Xocayevin rəhbərlik etdiyi komandamız 2 qızıl, 1 gümüş və 2 bürünc mükafata sahib olub.
Avropa çempionatında Cəfərov və Mamedov fəxri kürsünün ən yüksək pilləsinə qalxıblar. Nəbi İsgəndərov (70 kq) gümüş, Amin Məmmədzadə (55 kq) və Məhəmməd Abdullayev (+90 kq) bürünc medal qazanıblar.
Ən son xəbərləri səhifəmizdən də izləyin
