https://mail.innews.az/uploads/news/2026-10/_innews_83534dd8ac1f6b48f9a7af954_o.jpg
Buxarada təşkil olunan “Azərbaycan Mədəniyyəti: Ədəbiyyat və Sənət Həftəsi” çərçivəsində Azərbaycan Respublikasının Özbəkistan Respublikasındakı fövqəladə və səlahiyyətli səfiri Dr. Rəşad Məmmədov və Səfirliyin tabeliyində Heydər Əliyev adına Azərbaycan Mədəniyyət Mərkəzinin direktoru Akif Marifli, Səfirliyin ticarət nümayəndəsi Səməd Həsənov, BDU-nun Mədəni İrsin Araşdırılması Mərkəzinin direktoru, tarix üzrə fəlsəfə doktoru, “İRS” beynəlxalq jurnalının redaktoru Musa Mərcanlı Buxara vilayət hakiminin müavini Botirjon Şaxriyorov və Buxara Dövlət Universitetinin rektoru Obidjon Hamidovla görüşüblər.
Görüş zamanı Azərbaycan və Özbəkistan arasında ortaq tarixi köklərə, zəngin mədəni irsə və milli-mənəvi dəyərlərə əsaslanan çoxəsrlik dostluq və qardaşlıq münasibətlərindən bəhs olunub, iki ölkə arasında müxtəlif sahələrdə, xüsusilə mədəni-humanitar istiqamətdə əməkdaşlığın inkişaf perspektivləri ətrafında fikir mübadiləsi aparılıb.
Azərbaycan Respublikasının Prezidenti cənab İlham Əliyevin və Özbəkistan Respublikasının Prezidenti cənab Şavkat Mirziyoyevin siyasi iradəsi və birgə səyləri nəticəsində iki qardaş ölkə arasında münasibətlərin keyfiyyətcə yeni mərhələyə yüksəldiyi, dövlət başçılarının qarşılıqlı səfərlərinin və əldə olunmuş mühüm razılaşmaların əbədi dostluq və müttəfiqlik əlaqələrinin daha da möhkəmlənməsinə geniş imkanlar yaratdığı vurğulanıb.
Eyni zamanda, Buxarada Azərbaycan ədəbiyyatının, musiqisinin və incəsənətinin daha geniş təbliği, yerli mədəniyyət və təhsil müəssisələri ilə əməkdaşlığın inkişaf etdirilməsi, yaradıcı kollektivlər arasında əlaqələrin qurulması, birgə mədəni tədbirlərin təşkili və qarşılıqlı təşəbbüslərin dəstəklənməsi məsələləri ətrafında fikir mübadiləsi aparılıb.
Tərəflər Azərbaycan və Özbəkistan arasında ən yüksək səviyyəyə yüksəlmiş əbədi dostluq və müttəfiqlik münasibətlərinin yaratdığı imkanlardan səmərəli istifadə etməklə regionlararası əlaqələrin daha da inkişaf etdirilməsinin, mədəni-humanitar əməkdaşlığın yeni təşəbbüslər və birgə layihələrlə zənginləşdirilməsinin əhəmiyyətini vurğulayıblar.
Ən son xəbərləri səhifəmizdən də izləyin
