https://mail.innews.az/uploads/news/2026-10/_innews_cc9dde8299d562b34f194e24a_o.jpg
“PAŞA Kapital İnvestisiya Şirkəti” QSC-nin baş anderrayter qismində iştirak etdiyi “PAŞA Bank” ASC-nin ilkin kütləvi təklifi (IPO) çərçivəsində səhm əldə edən investorlar da daxil olmaqla, dividend almaq hüququ olan bütün səhmdarlara 30 oktyabr 2026-cı il tarixində növbəti dividend ödənişi həyata keçiriləcək.
Dividend ödənişi haqqında ətraflı məlumatı bu linkə keçid edərək əldə edə bilərsiniz.
Xatırladaq ki, PAŞA Kapital İnvestisiya Şirkətinin baş anderrayterliyi ilə ölkənin ilk korporativ ilkin kütləvi təklifi hesab olunan PAŞA Bank IPO-su üzrə abunə yazılışı bu ilin 19 iyun tarixində uğurla yekunlaşmışdır. Abunə yazılışı dövründə təxminən 18 min unikal investor iştirak edib, sifarişlərin ümumi həcmi 66,3 milyon AZN təşkil edərək, təklifə qarşı 129,2 % tələb formalaşıb.
Qeyd edək ki, PAŞA Kapital İnvestisiya Şirkəti PAŞA Bank səhmlərinin ikinci bazarda ticarəti üzrə marketmeyker olaraq fəaliyyət göstərir.
PAŞA Kapital İnvestisiya Şirkətinin məhsul və xidmətləri, həmçinin fəaliyyəti haqqında daha ətraflı məlumat üçün 1548 nömrəsi ilə əlaqə saxlaya və ya https://www.pashacapital.az/ saytına daxil ola bilərsiniz.
Ən son xəbərləri səhifəmizdən də izləyin
