Röya Ayxan Zəfər qürurunu səhnədən bütün Azərbaycana yaşatdı - VİDEO

Bakıda Zəfər Gününün 6-cı ildönümünə həsr olunan “Qələbə qaçışı” möhtəşəm musiqi proqramı ilə yadda qalıb. Tədbirin səhnəsində yer alan Xalq artisti Röya Ayxan ifaları ilə Zəfər sevincinə, Vətən qüruruna və milli birlik ruhuna öz sənət töhfəsini verib.

"innews media" xəbər verir ki, noyabrın 1-də keçirilən tədbirdə səhnəyə çıxan sənətçi iştirakçılara və qonaqlara musiqi dolu, unudulmaz anlar yaşadıb. Röya Ayxanın çıxışı tarixi Zəfərin yaratdığı qürur və həmrəylik ab-havasına xüsusi rəng qatıb.

Qeyd edək ki, bu il altıncı dəfə təşkil olunan “Qələbə qaçışı” Vətən müharibəsində qazanılan tarixi Zəfərin 6-cı ildönümünə həsr edilib. “Qürurla irəli” şüarı altında keçirilən yarışda 2 minə yaxın iştirakçı bir araya gəlib.

Xeyriyyə məqsədi daşıyan layihə çərçivəsində toplanan ianələrin “YAŞAT” Fonduna yönəldilməsi nəzərdə tutulub.