https://mail.innews.az/uploads/news/2026-11/_innews_ce39bba81d51f89d38a042f17_o.jpg
Azərbaycanla Böyük Britaniya arasında hərbi və müdafiə sahəsində əməkdaşlıq yeni mərhələyə qədəm qoyub. İki ölkə arasında ilk birgə müdafiə kibertəlimi keçirilib.
Böyük Britaniyanın Azərbaycandakı səfiri Dunkan Norman bildirib ki, hərbi təlim əməkdaşlığı indiyədək görünməmiş səviyyəyə çatıb.
Səfirin sözlərinə görə, Britaniya hərbi komandirləri Azərbaycanda təlimlər keçir, azərbaycanlı zabitlər isə Böyük Britaniyada Britaniya Ordusu və Kral Hərbi Dəniz Qüvvələrinin nümayəndələri ilə birlikdə hazırlıq prosesinə qatılırlar.
Dunkan Norman qeyd edib ki, iki ölkə arasında əməkdaşlıq yalnız ənənəvi hərbi təlimlərlə məhdudlaşmır. Kibertəhlükəsizlik, əməliyyat imkanları və müdafiə sənayesi də tərəfdaşlığın əsas istiqamətlərindəndir.
Səfir vurğulayıb ki, tərəflər mövcud təməl üzərində indiyədək ən iddialı təlim və əməkdaşlıq proqramlarını həyata keçirirlər.
SİNXRON – DUNKAN NORMAN, BÖYÜK BRİTANİYANIN AZƏRBAYCANDAKI SƏFİRİ:
“Azərbaycan Böyük Britaniya üçün dəyərli müdafiə və təhlükəsizlik tərəfdaşıdır. Lord Coakerin sentyabr səfəri bu tərəfdaşlığa verdiyimiz əhəmiyyəti bir daha göstərdi. Bu il ilk birgə müdafiə kibertəlimimiz keçirildi və Böyük Britaniya ilə Azərbaycan arasında hərbi təlim əməkdaşlığı indiyədək görünməmiş səviyyəyə çatdı. Britaniya hərbi komandirləri Azərbaycanda təlimlər keçirir, azərbaycanlı zabitlər isə Böyük Britaniyada Britaniya Ordusu və Kral Hərbi Dəniz Qüvvələrindən olan həmkarları ilə birlikdə təlim keçirlər”.
Ən son xəbərləri səhifəmizdən də izləyin