BDU-da İsrail universitetləri ilə bağlı təqdimat keçiriləcək

Oktyabrın 9-da saat 15.00-da Bakı Dövlət Universitetində (BDU) “Gənclərin xarici ölkələrin nüfuzlu ali təhsil müəssisələrində təhsil almalarına dair 2022-2026-cı illər üçün Dövlət Proqramı” çərçivəsində hədəf universitetlər kimi seçilmiş dörd İsrail universiteti barədə tələbələrin məlumatlandırma tədbiri keçiriləcək. Tədbirdə İsrailin İsrail Texnologiya İnstitutu (Technion), Yerusəlim İbrani Universiteti (HUJI), Təl-Əviv Universiteti (TAU) və Veysman İnstitutundan olan nümayəndələr sözügedən ali təhsil müəssisələri haqqında tələbələri maraqlandıran sualları cavablandıracaqlar. Tədbir BDU-nun yeni tədris binasının dəyirmi zalında keçiriləcək.

Tədbirdə iştirak üçün qeydiyyat vacibdir. Qeydiyyat və əlavə məlumat üçün BDU-nun BDU-nun Beynəlxalq əlaqələr şöbəsinə yaxınlaşa bilərsiniz.