https://mail.innews.az/uploads/news/2026-10/_innews_743820c8772110290a4c219ef_o.jpg
Azərbaycan Dövlət Pedaqoji Universitetində (ADPU) Təhsil Könüllüləri Tələbə Birliyinin təşkilatçılığı ilə 5 Oktyabr – Beynəlxalq Müəllimlər Gününə həsr olunmuş “Bir dəsr, bir ömür” adlı bədii-musiqili tədbir keçirilib.
Tədbiri giriş sözü ilə açan ADPU-nun sosial və humanitar məsələlər üzrə prorektoru professor Fikrət Rzayev bildirib ki, müəllimlik peşəsi insan həyatına yön verən, gələcək nəsillərin formalaşmasında əsas rol oynayan peşələrdən biridir. Prorektor vurğulayıb ki, Azərbaycan Dövlət Pedaqoji Universiteti ölkənin əsas müəllim hazırlayan elm və təhsil ocağıdır. Məhz bu səbəbdən Beynəlxalq Müəllimlər Gününün məhz ADPU-da geniş şəkildə qeyd olunmasının xüsusi əhəmiyyəti var. Professor Fikrət Rzayev çıxışında gənclərə müraciət edərək onlara müasir bacarıqlara yiyələnməyi, daim üzərlərində çalışaraq yaxşı müəllim, vətənpərvər ziyalı kimi yetişməyi tövsiyə edib.
Təhsil Könüllüləri Tələbə Birliyinin sədri Aydan Süleymanlı çıxış edərək universitetin professor-müəllim heyətini və gələcəyin müəllimi olan tələbələri Beynəlxalq Müəllimlər Günü münasibətilə təbrik edib. O, tədbir haqqında ətraflı məlumat verib, proqram çərçivəsində tələbələrin hazırladığı maraqlı çıxışların və bədii kompozisiyaların təqdim olunacağını bildirib və gəncləri tədbirin gedişində fəal iştirak etməyə çağırıb.
Tədbirin bədii hissəsində tələbələrin hazırladıqları müxtəlif musiqi və rəqs kompozisiyaları təqdim olunub, milli filmlərdən səhnəciklər nümayiş etdirilib.
Ən son xəbərləri səhifəmizdən də izləyin
