https://mail.innews.az/uploads/news/2026-10/_innews_db2f081a399511fcb330e9913_o.jpg
19 oktyabr tarixində Toyota Bakı Mərkəzi xüsusi qonağı, sumo tarixinin ən böyük çempionlarından biri, 69-cu Yokozuna Hakuho Sho-nu qəbul edib.
Bakıda keçirilən Sumo World Championships 2026 yarışlarının ardınca baş tutan “Champion’s Journey” tədbiri Yaponiya mədəniyyətini, sumonun çoxəsrlik ənənələrini və Toyota fəlsəfəsini bir araya gətirib. Tədbirdə KİV nümayəndələri, Yapon Döyüş Növləri və Mədəniyyəti Assosiasiyasının üzvləri, Toyota nümayəndələri və müştəriləri iştirak ediblər.
Görüş zamanı 25 ilini peşəkar sumoya həsr etmiş Hakuho Sho öz karyerasından, sumonun tarixi və fəlsəfəsindən danışıb. O, sumonun yalnız güc və mübarizə deyil, ilk növbədə hörmət, intizam və özünə nəzarət üzərində qurulan bir mədəniyyət olduğunu vurğulayıb.
Tədbirin xüsusi məqamlarından biri Hakuho Sho-nun Beynəlxalq Sumo Federasiyasının (IFS) yeni prezidenti kimi Bakıda Toyota ailəsi ilə görüşü olub. Bu vəzifədə Akio Toyoda-nı əvəz edən Hakuho Sho onun “Sumo to the World” vizyonunu davam etdirəcəyini bildirib.
Tədbirin sual-cavab hissəsi də maraqlı anlarla yadda qalıb. Qonaqlardan birinin “Hansı avtomobildən istifadə edirsiniz?” sualına Hakuho Sho Lexus LM cavabını verib. Bu spontan cavab qonaqların xüsusi marağına səbəb olub.
Görüş yalnız söhbətlə kifayətlənməyib. Hakuho Sho qonaqlara sumonun əsas hərəkət və texnikalarını canlı nümayiş etdirib, ardınca isə tədbirin “Champion Meets Champion” hissəsində Toyota Land Cruiser ilə xüsusi foto sessiya keçirilib.
Toyota Bakı Mərkəzində keçirilən bu xüsusi görüş iki fərqli dünyanın ortaq dəyərlərini ön plana çıxarıb: hörmət, güc, intizam və daim daha yaxşıya doğru irəliləmək.
Tədbir Hakuho Sho-nun bütün dünyada sumonun inkişafına həsr etdiyi “One Team, One Dream” mesajı ilə yekunlaşıb.
Ən son xəbərləri səhifəmizdən də izləyin
