600 min manatlıq dəstək, “Qələbə” mahnısı - Murad Arifdən Zəfər töhfəsi

Vətən müharibəsi dövründə həm informasiya cəbhəsində, həm də Yardım Fonduna 600 min manat ianə toplanmasında fəallıq göstərən HITMAKER Murad Arif Zəfər Günü konsertində çıxışı ilə diqqət çəkib.

"innews media" xəbər verir ki, 8 Noyabr – Zəfər Günü münasibətilə Dənizkənarı Milli Parkda Heydər Əliyev Fondunun və Bakı Şəhər İcra Hakimiyyətinin təşkilatçılığı, Mədəniyyət Nazirliyinin dəstəyi ilə möhtəşəm konsert proqramı keçirilib.

Yağışlı havaya baxmayaraq səhnəyə çıxan Murad Arif bəstəsi olan “Qələbə” mahnısını xüsusi səhnə performansı ilə təqdim edib.

Mahnı üçün xüsusi hazırlanan səhnəcik də konsertin diqqətçəkən məqamlarından olub. Musiqi və vizual təqdimatın vəhdəti Murad Arifin çıxışını tədbirin yaddaqalan performanslarından birinə çevirib.