https://mail.innews.az/uploads/news/2022-12/_innews_675b16f138cee2ccff416183a_o.jpg
Azərbaycan Respublikası Elm və Təhsil Nazirliyinin akademik Əli Quliyev adına Aşqarlar Kimyası İnstitutunun (AKİ) alimlərinin İrkutsk Kimya İnstitutundan olan həmkarları ilə apardıqları müştərək tədqiqat zamanı mühüm elmi nəticələr əldə olunub.
Bu barədə məlumat verən AKİ-nin icraçı direktoru k.e.d. Əfsun Sucayev bildirib ki, İrkutsk Kimya İnstitutunda akademik Boris Trofimovun rəhbərlik etdiyi tədqiqat qurupunun sintez etdiyi 13 yeni maddənin Aşqarlar Kimyası İnstitutunda antioksidant aşqar kimi xassələri öyrənilib və yanacaqlara qarşı yüksək antioksidant olduğu təsdiqlənib.
Əfsun Sucayev qeyd edib ki, əldə olunan elmi nəticə müştərək məqalə kimi “İran Kimya və Kimya Mühəndisliyi” (Iranian Journal of Chemistry and Chemical Engineering) adlı impakt faktorlu xarici jurnalda dərc edilib. (Inhibited oxidation of hydrocarbons in the presence of nitrogen-, phosporius, selenium, sulfur-containing heterocyclic compounds, https://ijcce.ac.ir/article_697583.html).
Onun sözlərinə görə, hazırda müştərək tədqiqatlar davam etdirilir.
Xatırladaq ki, dünyada tanınan “Iranian Journal of Chemistry and Chemical Engineering” jurnalı “Web of Science” və “Scopus” beynəlxalq elmi bazalarına daxildir. İmpakt faktoru 1.987-dir.
Ən son xəbərləri səhifəmizdən də izləyin
