BDU-nun TGT sədri "İlin Tələbə Gənclər Təşkilatının sədri" seçilib

Gənclər Fondunun dəstəyi və Azərbaycan Tələbə Gənclər Təşkilatları İttifaqının (ATGTİ) təşkilatçılığı ilə 2 Fevral - Gənclər Gününə həsr olunmuş "ReBrend" forumu keçirilib.

Forumun əsas məqsədi tələbə gənclər təşkilatlarının uzunmüddətli PR strategiyasının müəyyən olunması, inkişaf üçün düzgün planlanma aparılmasına dəstək olmaqdır.

Forum zamanı Bakı Dövlət Universitetinin (BDU) Tələbə Gənclər Təşkilatının (TGT) sədri Ələkbər Həsənov 2022-ci il ərzində ölkədə ictimai və sosial əhəmiyyətli, o cümlədən könüllü fəaliyyətin təşkili və həyata keçirilməsində fəal iştirakına görə "İlin Tələbə Gənclər Təşkilatının sədri" adına layiq görülüb.

BDU-nun Tələbə Gənclər Təşkilatını bu uğur münasibətilə ürəkdən təbrik edirik!