"UEFA və FIFA ədalətli mövqe sərgiləməlidir": Gümüşdağ

Türkiyənin “Başakşəhər” klubunun prezidenti Göksel Gümüşdağ Rusiyanın beynəlxalq yarışlardan kənarlaşdırılması ilə bağlı fikirlərini bölüşüb.

Klub rəhbəri bu barədə “Yeni Akit”-ə açıqlamasında danışıb:

“Futbolda və digər idman növlərində İsrailə qarşı heç bir sanksiya tətbiq edilmir. Rusiyaya qoyulan qadağa ədalətli qərar deyil. UEFA və FIFA ədalətli mövqe sərgiləməlidir”.

Ukraynaya işğalçı hücumundan sonra Rusiyaya qarşı beynəlxalq qadağa 2022-ci ilin fevralından qüvvədədir. Bu qərara əsasən, Rusiya Premyer Liqasında çıxış edən klublar avrokuboklardan kənarlaşdırılıb, milli komanda isə yalnız yoxlama oyunlarında iştirak edə bilir.