"Sabah"ın rəqibi Fabreqasın namizədliyini nəzərdən keçirir

“Sabah”ın UEFA Çempionlar Liqasında rəqibi olan “Barselona”nın rəhbərliyi Hans-Diter Flikin mümkün əvəzləyicisi kimi Sesk Fabreqası nəzərdən keçirir.

Hazırda “Komo”nun çalışdırıcısı olan ispaniyalı mütəxəssis Kataloniya klubunun gələcəkdə baş məşqçi postuna əsas namizəd hesab olunur. Ancaq söhbət yaxın zamanda baş tutacaq təyinatdan getmir. Fabreqas, Flik vəzifəsindən ayrılmaq qərarına gələcəyi təqdirdə, onun mümkün əvəzləyicisi kimi nəzərdən keçirilir.

“Barselona” hazırda 27 xalla İspaniya La Liqasında turnir cədvəlinə başçılıq edir. Kataloniyalılar bu mövsüm keçirdikləri 9 oyunun hamısında qələbə qazanıblar. Flikin komandası oktyabrın 25-də əsas rəqibi olan “Real”la qarşılaşacaq.