https://mail.innews.az/uploads/news/2026-11/_innews_0b1e071ffa8b632c0f263bcda_o.jpg
4 noyabr 2026-cı il tarixində Müşfiqabad qəsəbəsində bank-maliyyə sektorunun nümayəndələrinin iştirakı ilə ağacəkmə kampaniyası keçirilib. Bank VTB (Azərbaycan) da “Zəfər Günü” ərəfəsində təşkil olunan ekoloji təşəbbüsə qoşularaq ölkədə ətraf mühitin qorunmasına və yaşıllıq sahələrinin genişləndirilməsinə öz töhfəsini verib.
Tədbir Azərbaycan Respublikasının Ekologiya və Təbii Sərvətlər Nazirliyi, Azərbaycan Respublikasının Mərkəzi Bankı, Azərbaycan Banklar Assosiasiyası və digər maliyyə sektoru assosiasiyaları arasında 13 mart 2023-cü il tarixində imzalanmış Anlaşma Memorandumu çərçivəsində təşkil olunub.
Memorandumun əsas məqsədi Ümummilli lider Heydər Əliyevin anadan olmasının 100-cü ildönümünə həsr olunmuş təşəbbüs çərçivəsində 2023-cü ildən başlayaraq 10 il ərzində ümumilikdə 1 milyon ağacın əkilməsini təmin etməkdir. Bu təşəbbüs çərçivəsində 2022–2026-cı illər ərzində Abşeron rayonu və Naxçıvan Muxtar Respublikasında ağacəkmə işləri aparılıb, ərazilərdə suvarma sistemləri qurulub.
Bank VTB (Azərbaycan) bu cür təşəbbüslərdə iştirak etməklə korporativ sosial məsuliyyət prinsiplərinə sadiqliyini nümayiş etdirir. Bank üçün dayanıqlı inkişaf yalnız maliyyə göstəriciləri ilə deyil, fəaliyyət göstərdiyi cəmiyyətə və ətraf mühitə verdiyi töhfə ilə də ölçülür.
Bank VTB (Azərbaycan) ölkənin sosial və ekoloji inkişafına yönəlmiş təşəbbüsləri dəstəkləməyə və bu istiqamətdə əməkdaşlığını davam etdirməyə önəm verir.
Ən son xəbərləri səhifəmizdən də izləyin
