https://mail.innews.az/uploads/news/2026-11/_innews_42b76b1348cad4103fbbe4a49_o.jpg
“Peşəkar Psixoloqlar” İctimai Birliyi tərəfindən Azərbaycanı beynəlxalq arenada təmsil edən badminton idmançıları ilə görüş təşkil olunub.
Görüşün əsas məqsədi idmançıların psixoloji rifahının dəstəklənməsi, idman fəaliyyətində qarşılaşdıqları psixoloji çətinliklərin müzakirəsi və onların aradan qaldırılması istiqamətində elmi əsaslı yanaşmaların təqdim edilməsi olub.
Görüş zamanı idmançıların psixoloji hazırlığı, yarışöncəsi həyəcan və stressin idarə olunması, özünəinamın gücləndirilməsi, motivasiyanın qorunması, emosional dayanıqlılıq və yüksək nəticələr əldə edilməsində psixoloji amillərin rolu ətrafında fikir mübadiləsi aparılıb.
Tədbirdə idmançıların yalnız fiziki deyil, həm də psixoloji hazırlığının vacibliyi vurğulanıb. Qeyd olunub ki, psixoloji rifah idmançının potensialını reallaşdırması, yarış zamanı diqqətini və emosional balansını qoruması baxımından mühüm əhəmiyyət daşıyır.
“Peşəkar Psixoloqlar” İctimai Birliyinin sədri, psixoloq Səbinə İsmayılovanın rəhbərlik etdiyi təşkilat bu istiqamətdə psixoloji maarifləndirmənin və peşəkar dəstəyin genişləndirilməsini vacib hesab edir.
Görüş idman sahəsində psixoloji dəstək mədəniyyətinin inkişafı və idmançıların psixoloji rifahının qorunmasına yönəlmiş əməkdaşlıq imkanlarının müzakirəsi baxımından əhəmiyyətli olub.
“Peşəkar Psixoloqlar” İctimai Birliyi
Ən son xəbərləri səhifəmizdən də izləyin
