PSJ Kvaratsxeliyanı onunla əvəzləmək istəyir

PSJ Xviça Kvaratsxeliyanın uzun müddətə sıradan çıxmasından sonra hücum xəttini gücləndirmək üçün yanvarda “Atletiko”nun forvardı Xulian Alvaresi transfer etməyi nəzərdən keçirir.

Gürcüstanlı futbolçu bu həftə dizindən ciddi zədə alıb və əməliyyatdan sonra uzun müddət bərpa prosesi keçəcək.

Alvaresin əsas mövqeyi mərkəz hücumçusudur. Bununla belə, argentinalı futbolçu hücumun hər iki cinahında da oynaya bilir. 26 yaşlı forvard yayda “Barselona”ya keçmək istəyib, ancaq “Atletiko” onu buraxmayıb.

“Transfermarkt” portalı Alvaresi 110 milyon avro dəyərində qiymətləndirir.